سيب لي قلبي بقلم الشاعرة # أمل صلاح

سيب لي قلبي
اخدته مني
غصب عني
 مش عارفة ليه؟

عشمني بدنيا تانية
وافتكرته هيبقى ليا
وما شفت إلا الأسية
 والقسوة ديه ليه؟

انا أصلا كنت خايفة
لأني كنت عارفة
إني هكون الضحية
 والظلم دا كله . ليه

بآسي من غيابك
ارحمني من عذابك
ولوعة الاساوة
 وبعادك عني ليه؟

الناس تنام وتصحى
وأنا طول الوقت سارحة
في عيونك اللي جارحة
 وأنا قلبي ذنبه إيه؟

مناني بالسعادة
وحلمت بيك زيادة
وحبي كان عبادة
 وتغدر بيَّ ليه؟

شربت كأس مرار
من كتر الإنتظار
وسايبني في وسط نار
 وصدك عني ليه

بقلمي# أمل صلاح