حيث ان كل حاجة فى حياتنا بقت صينى
هاقولكم حكمة صينية هتعجبكم جدا
ازرع فكرة تحصد عملا
اصل الفكرة لو فضلت حبيسة داخل العقل تتعبه
لازم تتحول يا لعمل خير يا لعمل شر
و كل واحد و فكرته
و كل واحد اعماله هنا، هناك تتبعه
ازرع عملا تحصد تعودا
الناس بتتعود
فيه واحد بيتعود يقول كلمة طيبة
و فيه واحد بيتعود يقول كلمة خبيبثة
و فيه واحد اتعود يمشى يصنع خير
و فيه واحد تمشى معاه تبقى سنتك كبيسة
كل عمل بتعمله و تتعود عليه
بتعمله من غير ما تفكر فيه
ان كان خير يرجع بالخير
على اللى ليك و بعدين عليك
و ان كان شر يرجع بالشر
عليك الأول و بعدين على اللى ليك
ازرع تعودا تحصد خلقا
فيه واحد بيعود عيله يصوم و يصلى
و واحد يعود عيله ما يديش و ياخد تمللى
و فيه واحد اتعود
ان كلمة الحر دين عليه
لازم يوفى حتى لو على عينيه
ازرع خلقا تحصد مصيرا
هوا الانسان ايه
غير فكرة
يا تطلع كلمة يا تطلع عمل
و كلمة المتنبى اتسببت فى موته
مع ان كان ممكن اوى نجاته
و ياما ناس مانت من سنين
و لسه اعماله عايشة معانا بتكمل حياته
سهل حفظ الحكمة اللى انا قلتها ديا
اللى غايظنى انها برضو صينية
و ادينى قدمتهالكوا و انتو قاعدين مستريحين
على صينية
نفذوها هتلاقوها
جواهر دهبية فى علب فضية
ربنا يجعلها سبب فرحة
ليك يا غالى و ليكى يا غالية
العجوز
مرقص اقلاديوس
Aucun commentaire:
Enregistrer un commentaire