بهيه
الكل بيقول يا بهيه
و بهيه شافت سواد × سواد
كل يوم فيه ضحيه
و بهيه لبست توب الحداد
لا يوم عمرها خافت
من ظلم العباد للعباد
و لا عمرها حست
إنها ست البلاد
ولما جي اليوم
و صحتها اتعافت
استكتروها عليها
و وقفوا لها بالمرصاد
ياما اتمنوا ليها الاذيه
واتفقوا عليها الأوغاد
وقالوا عليها بهيه البغيه
و ليها كتير قواد
و نسيوا إنها الحره الأبيه
مهما زاد ليها الحساد
عيني عليكِ يا بهيه
و كل يوم الحزن فيكِ زاد
مسيرك يوم يا أبيه
تقلعي توب الحداد
و تطلع فيكِ شمس الحريه
تنور كل أركان البلاد
عبيد رياض محمد
Aucun commentaire:
Enregistrer un commentaire