كنت بحلم إني بحلم
اني قاعدة جوة صحرا
خالية خالص من البشر
ومن الأحبة
مكنش فيها غير صخور
وفي السما غربان وبوم
مكنش فيها أي خضرة
ولا حتى من الميه شربه
فجأة جتلي حتة ضلة
قولت أريح تحت منها
أو أغيب مالدنيا حبة
غمضت عيني
لقيت في نومي
محكمة وقاضي ومحاكمة
أنتِ ايه خلاكِ تيجى
أو تروحي تحت ضلة
جيت أرد أو أقول ....
رد هو بصوت جهوري
قالي مش لازم تردي
محكوم عليك
كل عمرك
تبقى تايهه
فى وسط صحرا
والسراب في العين ما يهدا
قمت فايقة من منامى
لقيت دموعى غرَّقت مني المخدة
قلم ...أمل صلاح
Aucun commentaire:
Enregistrer un commentaire