هو انتى كنتى سترتينى وأنا عايش !
!!!!!!!!!!!!!!!!!!!!!!!!!!!!!!!!!!!!!!!!!!!
شوفى .. يا مه
أنا مسافر
وعارف إنى مش راجع
وماتقوليش
قلبت يا ولدى المواجع
وجاوبينى بصراحة
كنتى فين
وأنا بتفترسنى المواجع ؟
................
متقوليش يا ست الناس ..
إبنى سابنى
كما أبوه
وكما جده
جده اللى راح
ف- حرب العبور شهيد
وأبوه اللى ف- يناير
قابل الموت بقلب حديد
وآدى الحفيد ماشى
ومش راجع أكيد
.................
شوفى يا حبيبتى ..
سيبينى أغرق
وسط البحار وأنا هربان
ولما يجيكى الخبر
بلاش تقولى
ابنى مات بردان
واحمدى ربك
إنى فى الآخر
لقيت فى بطن السمك ..
ليا مكان !
أهو بيت لمنى ..
صحيح وأنا ميت ..
بس إيه يعنى
هو انتى كنتى
سترتينى وأنا عايش
دا كل اللى قدرتى عليه
حطيتى ف- إيديا الغوايش !
v´¯)
`•.¸.•´
¸.•´¸.•¨) ¸.•¨)
(¸.•´ (¸.•´ (¸.•¨¯`? .
~? محمد ? البكرى ?
Aucun commentaire:
Enregistrer un commentaire